E to’alua ua pu’eina e leoleo ona o se taumafaiga e susunu se sunako poo se malumalu tapua’i i le itu i matu o Lonetona, masalomia o ni osofaiga ia, faia faasaga i tagata Iutaia i lea faaitu.
O se alli e 46 tausaga ma se tama’ita’i e 47 tausaga le matua na pueina i le taulaga o Watford i le itu i matu i sisifo o Lonetona, fai mai leoleo o le taumafaiga sa taula’i i le faaitu o Finchley i le taeao po o le Aso Lulu.
O ata mai le CCTV o loo iloa lelei ai tagata e toalua e pā’auli o lo la lavalava ma pupuni foliga, sa ulufale i le sunako lea ma o la tuuina ni fagu tioata se lua lata i le faamalama ma o la togiina ane foi se piliki agai i le fale.
O totonu o le isi fagu e masalomia sa iai le penisini lea na ta’e ina ua togi i le piliki. E le’i mūmū ia fagu ae ua sosola ese i la’ua ia ma e le’i faaleagaina foi se vaega o le malumalu, leai foi se tasi na faamanu’alia.
Na logoina e se tagata faigaluega i le nofoaga lea leoleo ma faia ai loa sue’su’ega. E manatu leoleo o se osofa’iga ua taula’i i tagata Iutaia ma o loo fa’aauau le su’esu’ega.
Puna o Faamatalaga: https://edition.cnn.com/2026/04/15/uk/synagogue-arson-attack-london-antisemitism-intl-latam
