O le Sui Peresetene o Amerika o JD Vance lea ua fuafua e ta’ita’ia le vaega lona lua o talanoaga i le va o Amerika ma Iran pe afai ae taunuu lea fuafuaga a o lei mae’a aloaia o le lua vaiaso lea o loo taofia ai fetaua’iga mo le taimi nei.
Sa faailoa e Trump e ono toe faagasolo talanoaga mo le isi 2 aso i Pakistan. O loo tau fai mananao itu e lua e taofia mo le taimi nei le uranium i totonu o Iran ae le o maua se maliega. O loo mananao foi Amerika ina ia faaleagaina nofoaga tau niukilia a Iran ma ia toe tatala i se taimi vave le Strait of Hormuz.
O talanoaga a Isaraelu ma Lepanona ua mae’a ma ua malilie o le a toe faia nisi talanoaga i se nofoaga ma se taimi e talafeagai.Ua faailoa e Amerika e lē o malie ane lava Isaraelu ina ia taofia fetau’aiga i le itu i saute o Lepanona.
O le taimi nei fai mai le CNN o loo galulue Iran i le aveesea mai o le otaota ua poloka ai le vaega e ulufale ai i le vaega oloo iai ana underground missiles.
Ua faailoa foi sa iai se vaa la’u suāu’u na agai ese mai se uafu i Iran ma pasi ane ai i le Strait of Hormuz i le aso e ui oloo faia pea le poloka a Amerika.
Puna o Faamatalaga: https://edition.cnn.com/2026/04/14/world/live-news/iran-war-blockade-us-trump
