Ua faatonuina e le Faamasinoga Maualuga a le Atu Solomona le alii palemia o Jeremiah Manele ina ia valaau le palemene i totonu o aso e tolu ina ia fofogaina le mau o le lē faatuatuaina faasaga i lana faigamalo.
O Sir Albert Palmer na faia le poloaiga lea i le maea o le iloiloga sa faia mafua i se tagi sa faia ese vaega faaupufai ua soofaatasi ai nisi o faipule sa iai i le vaega a Manele.
Ua faailoa foi la ile poloaiga lea pei ona lipotia i le RNZ, afai ae lē usita’ia e le Palemia lea poloaiga i totonu o le 3 aso,ona valaau loa lea e le Kovana Sili le Palemene ma fofogaina ai e le Fofoga Fetalai lea mau i le maota.
O loo faatalia se tali a le Palemia i lea poloaiga.
Puna o Faamatalaga: https://www.rnz.co.nz/international/pacific-news/592361/court-orders-solomon-islands-pm-manele-to-face-no-confidence-vote-within-three-days
