Ua tautino Hui Ka Yan o lē sa faatuina le kamupani a le Evergrande i ona moliaga e aofia ai ma le maua o aseta mai faiga tafaasesē pei ona faamaonia mai i se pepa mai le faamasinoga.
Fai mai le BBC na vaaia le salamō ole tagata lea a o faagasolo le faamasinoga i le vaiaso nei i le aai o Shenzhen i Saina.
Ua faailoa e le faamasinoga ole a faailoa le faaiuga ole mataupu lea i se taimi ae o le kamupani lea a le Evergrande ua faaletonu ma iai aafiaga i investors aemaise faletupe faalotoifale.
O le kamupani faatau fale aupito telē lea sa iai a Saina peitai na faaletonu i le 2021 ona o aitalafu aemaise o le fa’aaogaina o le faitau miliona o tupe mo isi poloketi fou ua le uma ona fau fale.
Puna o Faamatalaga: https://www.bbc.com/news/articles/cn788ymy5gno
