E tasi le vaiaso ua tō’esea ai ma le atunuu le ta’ita’i o le malo le afioga i le palemia susuga, Laaulialemalietoa Leuatea Polataivao Fosi Schmidt, i le faamoemoe e faia ana siaki faafoma’i.
Ua ono masina talu mai le siigā gasegase muamua a le Palemia ma ua oa faailoa i luga o upega tafailagi ua leva ona tatau ona faia ia siako faafomai.
Na ia faailoa lona tuua o Samoa i le afiafi o le Aso Lulu mo lana siaki faafoma’i i Aotearoa.
Ua lipotia e le nusipepa o le Samoa Observer o se vaalele e faapitoa i le aveina o gasegase sa malaga atu ai i Niusila le ta’ita’i o le malo. Ao lei tuua Samoa e le palemia mo lana siaki faafoma’i o le Aso Lua na feula ai I luma o le Kapeneta molīgao o le keke ua atoa le 60 tausaga o lona soifua.
