I lipoti aupito lata mai o Amerika ma Sasa’e Tutotonu ua faailoa mai i lipoti a le CNN,e lei leva ona malilie Isaraelu ma le Hezbollah i le 10 aso o le a taofia ai fetau’iga ao lea ua lipotia mai ua tuua’ia e le ami a Lepanona Isaraelu i le solia olea maliega ona o loo fetauaina le faia pea o osofaiga i le itu i saute o Lepanona.
Ua faailoa ele palemia o Isaraelu o Netanyahu e le o ese mai le fitafita a Isaraelu mai le vaega o loo iai i le itu i saute o Lepanona ae ua faailoa atu foi e se sui ole Hezbollah e iai foi la le latou aia tatau e tali atu ai ini osofaiga.
Ua faailoa e Trump i se fonotaga na faia i le falepa’epa’e e ono faia se fonotaga i totonu o le 2 vaiaso i le va o Isaraelu ma Lepanona ma ia ta’ua ai foi e iai lava lona manatu e le o toe mamao se taimi taunuu i se maliega ma Tehran aemaise o loo fuafua isi talanoaga i le faaiuga o le vaiaso nei.
Ua faailoa e ofisa o Amerika i Sasa’e Tutotonu ua toe faamautu a latou auupega ma sauni mo le faaauauina o le ta’ua pe afai e le taunuu i se maliega feutanaiga o loo faia ma Iran.
O loo faa’auau pea foi ma le poloka a Amerika o loo faia i le ogasami, Strait of Hormuz.
Puna o Faamatalaga: https://edition.cnn.com/2026/04/16/world/live-news/iran-war-trump-us-israel
