Ua lata ina mae’a suesueina nei molimau,o moliaga e aofia ai le solitulafono o le faiaiga faamalosi o loo tuuaia ai se alii sa avea ma leoleo ma umia le tulaga fa’aleoleo o le Satini.
O lē ua molia o Laauli Magic Junior Gatoloai e lau silafia foi i le suafa o Laauli Talataina.
O moliaga e aofia ai solitulafono o le faiaiga faamalosi, faiaiga i se auala solitulafono, ma le faaoolima matagā.
E 9 moliaga o loo molia ai, a o lē na aafia o se tama’ita’i leoleo. O le Aso Faraile o lenei vaiaso o loo su’esu’e ai molimau faaiu a leoleo ona valaau ai lea o molimau a lē ua molia e lagolago i lana tali tete’e i moliaga a leoleo.
O lē sa avea ma Komesina o Leoleo ua avea nei ma loia le afioga, Fuiavailili Egon Keil o loo tulai mo lē ua molia.
Na tulai mai moliaga ua tuuaia ai Laauli Talataina o loo galue i le Matagaluega o Leoleo, Falepuipui ma le Toe fuataina.
