Ua faailoa e le taitai o le Itu Agai ma le vaega faaupufai e puipuia aiā tatau a tagata i lana fono masani ma le au tusitala, ua tapena e faaulu se talosaga e toe iloilo pe apili ai le faaiuga a le tama’ita’i faamasino le afioga, Talasa Atoa Saaga, lea ua lē faamaonia ai le moliaga sa tuuaia ai le afioga i le palemia susuga Laaulialemalietoa Leuatea Polataivao Fosi.
O le faaiuga tusitusia na faailoa lautele ile amataga o lenei vaiaso o loo faailoa ai lea taunuuga o suesuega i mau sa tuuina atu e leoleo ile faamasinoga sa molia ai le palemia ma isi tagata e toalima.
