O loo musu foi le Kovana Sili o le Atu Solomona e valaau le Palemene o le atunuu e ui ua mae’a faailoa ane i le aso ananafi le faaiuga a le faamasinoga i le mataupu lea. Ua faailoa i le lipoti aupito lata mai o le mataupu lea o lea ua tuuina le apili a le malo i le faaiuga mai le faamasinoga maualuga faatonu ai le palemia ina ia valaau le fono ale palemene i totonu o le 3 aso.
O loo i Fiti le alii palemia o Manele mo se fonotaga ona o ia o le taitaifono o le Pacific Island Forum ma faatoa toe foi i le atu Solomona i le aso a taeao.
Fai mai le ofisa ole palemia i le RNZ ua mae’a tuuina e le Loia Sili le apili i le Faamasinoga o Apili atoa ai ma le talosaga ia taofia le faataunuuina o le poloaiga a le faamasinoga.
Teena foi la e le Kovana Sili finagalo fa’aalia o le itu agai ina ia fa’aaoga lona malosiaga o le kovana e valaau ai le palemene, fai mai a ia o le a faatoa fa’aaoga le malosiaga o ia te ia e valaau ai le palemene i le aso ma le taimi talafeagai.
O se taimi o le asō o loo taliā ai se isi tali mai le faamasinoga e uiga i le mataupu.
Puna o Famatalaga: https://www.rnz.co.nz/news/pacific_solomon-islands/592553/solomons-governor-general-refuses-to-call-parliament-amid-court-of-appeal-hearing
