Ua folasia e se tasi o pule o maliu, le coroner lana ripoti i se mataupu na tula’i i le tausaga 2023. O lana ripoti i le maliu ai o se alii faifaiva e suafa ia Stanley Chung-Chi Tsoi. O lenei mataupu na tulai mai i le aso o 3 o Oketopa 2023, ina ua ta e se galu lea alii a o, o la iai i luga o papa maa i Slope Point i Southland ma sana faauō mo fagotaga.
E tusa ma ripoti mai le leitio faavaomalo o Niu Sila o le aoauli o lea aso na tula’i ai lenei faalavelave, ma i iloiloga ma sailiiliga a le foma’i faapitoa, na ia faailo ai o Stanley na malemo ina ua tau lona ulu i ma’a o le sami. Ta’ua ina ua aafia lona ulu na leiloa ai lava o se mea ma o le mafuaaga lea na malemo ai lea alii 47 tausaga.
Na maua lona tino maliu e se vaa, ma e faapea toeitiiti lava a atoa le maila o le mamao na maua ai lona tino.
I le tolaulauina ai e le pule o maliu o lana ripoti, na ia faamatalatala ai vaega o faamatalaga o le faauō a lē ua maliu, e faapea sa vaaia ai se galu le oo atu i luga o maa i le itu na tutū ai, i na faatusaina le maualuga galu le oo atu i le tulivae. O lona toe ea a’e i luga ua e leai Stanley mai le pito na tu ai.
O lea na ia iloa atu ai loa Stanley ua i le sami, o loo opeopea i le sami o loo faasaga mai i luma, ua fiu e tauvalaau ae ua lē tali mai, ma ia molimauina le tafea atu i le au.
Faamauina e malamalama ma masani lelei e alii i lea nofoaga ona ua tele taimi ua faagogota ai.
Ta’ua i lea ripoti, e lei iai ofu faaola poo se lifejacket na faia e Stanley i le taimi na pa’u ai i le sami.
O le tulaga mata’utia o le mataupu, e faapea o Stanley Chung-Chi Tsoi o se tagata e malosi le ‘a’au ma o se tasi ua masani i le sami.
Ae na faailo e le pule o maliu, le tama’ita’i ia Emma Hoskin o le faigata, o le faatino o fagotaga i se tasi o nofoaga ua tele ai tagata faifaiva o rock fishermen ua maliliu ai.
O se vaega ua ia ta’ua o se itu ua tele ai faasalalauga ma fautuaga i luga o auala faasalalau e faailoa ma faamalalamala le tele o aafiaga ma le lē saogalemu i le tele o taimi o le agai e fagota i luga o papamaa nei.
O se mataupu ua oo ai lava ina tuu mai ai se fautuaga a se pule o maliu i le tausaga talu ai e tatau ona iloilo tulafono o le tatau ai ona faamalosia ona ofuina e faifaiva uma rock-fishermen ofu faaola i taimi e agai ai mo fagotaga.
Puna o Faamatalaga: https://www.rnz.co.nz/news/national/592475/experienced-fisherman-drowned-after-being-swept-into-rough-sea-hitting-head-on-rocks
