A itiiiti mai pe to’avalu (8) tamaiti aoga ma se faiaoga e to’atasi ua fasiotia ma isi e to’atele o loo faamanu’alia i se osofa’iga na faia i se aoga i le itu i saute oTake poo Turkey pei ona faamaonia mai e le Minisita faalotoifale o lea atunuu, Mustafa Cifci.
O le faalavelave na tupu i le Ayser Calik Secondary School ma sa manunu’a ai le to’a sefulutolu (13) o tagata o isi e tūgā manu’aga. O loo ta’ua e le BBC o le tamaitiiti 14 tausaga na faatinoina le osofaiga ua maliu ai i le faalavelave.
Ua tupu mai lea faalavelave i le asō a o le vaiaso nei lava foi e to’a sefuluono (16) na manunu’a ina ua tafana e se tasi foi tama aoga i le itu i saute o le atunuu ma ia toe faaoo ai le oti ia te ia lava mulimuli ane.
Oloo faagasolo su’esu’ega i faalavelave uma ia e lua.
Puna o Faamatalaga:https://www.bbc.com/news/articles/cn088n9e6e9o
