O le liki i tua o le tusi mai le Ofisa Sili o le Matagaluega o Tupe o loo faamalosia le ta’iala e faatonutonu ai le fa’aaogaina o taavale uma a le malo, ma mafua ai ona lagomia le finagalo o le Minisita o le Soifua Mālōlōina, o le Aso Lua na soalaupule ai lea tulaga i se feiloaiga a le Minisita le tōfā Va’aaoao Salumalo Alofipo ma le Minisita o Tupe lea sa auai ma Ofisa Sili o Pulega o ia Matagaluega e lua.
Ua faailoa e le Minisita o le Soifua Mālōlōina i le leitio ma le televise o loo faagaioia e le malo, ua ia talia le tatau ona ia faaloalogia o le ta’iala o loo pulea ai o le faaaogaina o taavale a le malo.
O le tusi a le Ofisa Sili o le Matagaluega o Tupe sa fautuaina ai le Ofisa Sili o le Matagaluega o le Soifua Mālōlōina e toe faafoi atu ni taavale se lua sa o la faaaogaina ona o taavale e fitoitonu i se tasi o poloketi ma e solitulafono lo la faaaoga ona e lei iai se faatanaga.
Sa fautuaina ai lava e le Ofisa Sili o le Matagaluega o le Tupe I lana tusi le fa’aaoga e le Minisita ma le Ofisa Sili o le Soifua mālōlōina o taavale ua mae’a faamautu le tuuina atu i lalo o taiala o loo fa’aaoga ai taavale a le malo.
