O le 3 aso sa faagasolo ai i le afioaga o Salani i Falealili le galuega faalauiloa a le Toomaga mo ē Puapuagatia e 342 tagata o le nuu sa auai,e lē gata o tupulaga talavou ae o tamā ma tinā.
O le autū o lea faalauiloa o le ofoina o faamatalaga e faailoa ai polokalame o le tetee atu i sauaga, o le atinae manuia o aiga faapea le sao tāua o tinā ma tama’ita’i i auaunaga eseese i totonu o le afioaga.
Faaalia e lea faalapotopotoga i se pepa faalauiloa le faafetaia o i latou uma sa auai i talanoaga ma fetufaa’iga ona o le faamaoni o o latou manatu sa faali e lē gata o mataupu sa autū iai le faalauiloa ae o mataupu ma’ale’ale o loo aafia ai le soifuaga o aso uma.
