Ua toe faatino le sailiga o se Tausala Samoa o Vitoria Ausetalia talu ona taofia ma lē toe faataunuuina ona o aafiaga o le Koviti-19.
O le ulutala mo lenei tauvaga ua faaupuina “Rise with Faith” “Tulai ma le Faatuatua”. I lipoti a le Samoa Global News o loo ta’ua ai e to’aono tamaitai Samoa o le setete o Vitoria o le a tauva ai i lea tauvaga.
O tamaitai e toaono e aofia ai:
1. Hazel Elizabeth Luisa Fosio, 18 – Fusi, Safotulafai & Lalovaea.
2. Loia Tuafafo, 22 – Afega & Aopo.
3. Dorothy Maepu, 22 – Nofoalii & Fagalii.
4. Annie Milford, 24 – Pata Falelatai, Auala & Sataua
5. Chantelle Treasure Tamasese, 20 – Leauvaa.
6. Olivia Grace Unasa Siaosi, 20 – Solosolo, Manunu, Siufaga Faga & Safune.
O le tamaitai e manumalo mai lea tauvaga o le a malaga faatasi ma le komiti i Samoa i le masina o Setema auā le tauvaga o le sailiga o se Tausala o Samoa mo lenei tausaga.
E pei ona silafia o lea faato’ā faatino le tele o tauvaga tausala talu ona lē toe faatinoina ni tauvaga ona o aafiaga o le Koviti-19.
