O le vaiaso nei i le aso 29 o Iulai o le a faatautaia ai se tasi o aso faalauiloa poo le Open Day a le Iunivesite o le Pasefika i Saute fffle USP i le motu tele i Salafai.
O lenei aso falaauiloa o le a mafai ona maua ai le avanoa mo fanau aoga i le motu tele e tagatagai ai foi i nisi o mataupu o loo mafai ona ofoina atu e le USP ma vaavaai ai foi mo a latou galuega i le lumanai.
O le ulutala o lea aso faapitoa ua faaupuina, “Shaping Pacific Futures” poo le taumafaiga lea e faatulaga le lumanai o le Pasefika o le faamoemoe atoa ina ia una’i fanau e saili tonu lo latou fiafiaga i mataupu faalea’oa’oga mo lo latou lumanai poo future careers.
Ua maea le Aso Faalauiloa mo Upolu ma o lea ua sauni mo le Aso Faalauiloa mo le motu tele i Salafai. O le lona lua ai lea o aso faalauiloa poo Open Day ua faatautaia e le Iunivesite mo lenei tausaga ma le manatu autu ia auai le to’atele o fanau a’oga a le motu tele.
