Ua toe talo i le Aso Faraile nei se fono faapitoa a le soā komiti o loo gafa ma le tapenaina o fā’agatama i le tai poo tuugavaa e toe faatalanoa le faai’uga a le komiti autu o polokalame o le 60 tausaga o le tuto’atasi.
O lea fono faapitoa ua valaau ai le ta’ita’ifono o le soā komiti le afioga i le Komesina o leoleo falepuipui ma le ola toe fuata’ina i kapeteni o Fautasi, Tulula, Vaaalo ma Paopao ina ia faatasi atu.
O le Aso Faraile na te’a nei na tapunia ai le avanoa e lesitala ai ni Sa mo lea vaega o le polokalame peita’i e na o le 3 fautasi, 2 tulula, 2 paopao ma le vaaalo e tasi na faaulu atu. Na faaalia e le Komesina o leoleo e to’afitu kapeteni o fautasi sa auai ia latou fonotaga a o lei tapunia le lesitala peitai e na o le 3 fautasi na lesitala.
Ua faaalia e se molimau e iai se afioaga sa tapena lo latou Sa ae na faate’ia ina ua latou maua le tala ua tapuni le avanoa ae e lei lesitala.
