Ua talanoaina le talia e le iuni o le ofo fou mo totogi o tagata faigaluega ua atoa le masina o tetee ma leai ai lava ma ni totogi.
I le mae’a ai o feutanaiga a le pulega a le Employment Relations Authority ma le pulega a le Essity ua tuuina mai ai nei le isi ofo fou mo totogi
O se ofo o loo talanoaina ma tagata faigaluega i le taeao nei, ma o i o le a iloa ai le talia ma le lē talia.
E toa 145 tagata faigaluega a le Essity na amata tetee ma leai mai ni totogi mai le aso 9 Aokuso.
O le aso a taeao o loo manao ai le kamupani e toe amata galuega lea na taofia ona o le tetee, ma o lea foi ua toe faaui i tua le tagi na faia faasaga i le iuni.
