Ua agai le malo e suia tulafono ina ia mafai ai ona aveesea mai aseta umia faasolitulafono.
O le Criminal Proceeds (Recovery) Act o lea o le a toe teuteu ina ia maua ai le malosiaga e aveesea mai ai aseta e maua mai auala eleelea ae o loo umia e i latou e iai o latou sootaga ma kegi.
O le teuteuga lenei afai ae e le mafai e le o loo masalomia ona faamaonia o lea na ia mauaina aseta i se auala amiotonu, e le gata o le a tapa e le faamasinoga faamaoniga ae o le a aveesea mai faamalosi.
I lipoti ananafi, o le suiga o lea tulafono o loo taulai ai e taofia le taumafai o kulupu poo i latou o loo aveesea mai aseta faasolitulafono nei ma tuu i lalo o igoa o isi tagata, ma e le tagata i tagata e iai sootaga faaleaiga ae o le va o taitai o kegi ma sui o kegi.
O le isi suiga na sau ananafi o lea foi o le a iai le poloaiga fou mai le faamasinoga e mafai ai ona oo lea malosiaga i aseta a tagata solitulafono o loo aumau i atunuu mamao ae o loo teu i Niu Sila nei, ma o le faataitaiga o tupe teu i KiwiSaver.
O suiga faaopoopo nei na faaataata mai e le sa avea ma minisita o leoleo, Poto Williams faapea le sa avea ma minisita o faamasinoga, Kris Faafoi ia Me o le tausaga ua mavae.
