O le tuuina atu e le Malo i le kamupani o fesoota’iga le Bluewave latou te faapipii satelite e maua ai e a’oga uma i le atunuu fesoota’iga initaneti mo le maua ai o faamatalaga tau i le poto salalau e a’oa’oina ai fanau a le atunuu, o lea ua amata faaola nisi o fesoota’iga initaneti i a’oga i Savaii e pei o le a’oga tulaga lua i le afioaga o Sasina, o Auala ma Asau faapea i Salelologa.
O loo i Puleono i Salafai nisi o sui faipule o itumalo ua oo iai le galuega i le faamoemoe e tatala aloaia ma faaola loa ina ia faaaogā e fanau.
Le sui faipule o Gagaifomauga Numera 3 le afioga i le Minisita o Faatoaga ma Faigafaiva susuga Laauli Leuatea Polataivao Fossie Schmidt i le sauniga i le Aso Tofi nei na aloaia ai le mae’a faapipiina o fesoota’iga satelite i le aoga tulaga lua a le afioaga o Sasina. O le Aso Faraile lenei o loo faaauau atu ai lea sauniga i nisi o a’oga i Savaii.
