Ua folafola mai e le Pacific Music Awards Trust nisi o a latou faailoga taualoa ua faamanuiaina ai se tasi o tamalii Samoa ua lē toe tau faailoaina i le taleni o le musika.
O le Manukau Institute of Technology Lifetime Achievement Award ua tuuina ia Faanānā Jerome Grey ma momoli ai ma le faamalo a le Trust i lea foi tamalii ona o lona sao i le musika a le Pasefika.
Fai mai le pepa o faamatalaga mai le Trust e ao ona faamanatu ai le Sootaga, connection, Collaboration poo le galulue faatasi atoa ai ma le Komiuniti i le sauniga faapitoa le Pacific Music Awards 2022. O le a folasia ai foi ma se isi faiga faapaaga ma le Creative NZ.
Ua faailoa i le itulau o le facebook a le faalapotopotoga lea ua amata faatauina nei pepa matamata mo le Pacific Music Awards 2022 e faia i le Vodafone Events Centre i le aso fā o le masina fou o Aokuso.
