Fai mai le tamaitai faiaoga o Vanhou Lolesio Maeli, o le avea o ia ma faiaoga o le Te Reo Maoli, ua fesoasoani tele i le malamalama atili ai i lana lava gagana.
Taua e le Newshub o lea faiaoga o se tamaitai Samoa na soifua ane i Aukilani i Saute. E faiaoga i Sylvia Park ma sa soifua ane ma tautala i le gagana Samoa ma ua toeititi 10 tausaga o avea ma faiaoga ae sa ia a’oina le gagana Te Reo Maori i le Iunivesite o Aukilani ma ia taua ai e iai vaega e tali tutusa ai gagana e lua.
Faamatala e le tamaitai faiaoga le taua o le mataupu lenei ma i le taimi muamua sa ia faalogoina le tali tutusa o vaueli i le gagana Samoa ma le Te Reo Maori ma o le aotauina ai i lea gagana ua atili faamautuina ai lona malamalama i lana aganuu ma lana foi gagana.
O loo faamanatu nei le vaiaso o le gagana Maoli i le atunuu, na amata mai i le aso 12 o le masina nei faatoa faamae’a i le aso 19.
