Na tali atu leoleo faaaupegaina a le atunuu i se mataupu na tulai mai i le va o Longburn ma Palmerston North. 

Sa poloka le State Highway 56 i le va lea ma faasa foi nisi o magaala. Fai mai leoleo sa tali atu i se mataupu o se vevesi lea e talitonuina na aofia ai ni auupega. 

E iai ata sa faailoa i upega tafailagi na iloa atu ai taavale a leoleo ma se vaega tele o malu o le malo sa i luga o le nofoaga e pei ona faailoa.

Na vaaia foi leoleo o faatulaga sipaika i le alatele e taofia ai taavale ma na vaaia foi se tagata o loo ofuina le jersey a le mongrel mob i talaane o le taavale a leoleo.

Sa faatalia se lipoti lata mai a leoleo poo iai nisi o afaina i lea mataupu.