Ua tuua’ia e le ta’ita’i o le Itu agai ma le vaega e puipuia aiātatau a tagata le faaitu’au ma le faimea faapito o le Fofoga Fetalai, i le auai i sauniga e pei o le tatalaina o auala, faapea le malaga o le Fofoga Fetalai i Amerika Samoa i le malaga sa masii ai le faigamalo fou i feiloa’iga a ta’ita’i o le Malo Tuto’atasi o Samoa ma ta’ita’i o Amerika Samoa.

O le finagalo o le susuga Tuilaepa L Sailele Malielegaoi, i auala o faasalalauga a lana pati faaupufai na ia faaalia ai, o lea faiga fou ua maualafia ai le tuto’atasi o le Fofoga Fetalai. 

Le susuga TLSM le ta’ita’i o le Itu agai ma le pati faaupufai e puipuia aiātatau a tagata. Sa maua le avanoa e tāpā ai se finagalo o le Fofoga Fetalai le susuga Papalii Li’o Oloipola Ta’eu Masipa’u, e tali ai i le tuua’iga.

Le afioga i le Fofoga Fetalai o le Fono Aoao Faitulafono susuga Papalii Li’o Oloipola Ta’eu Masipa’u.