O le afa o tagata Niu Sila na fesiligia o loo mananao pea e nonofo i lalo o faauluuluga a le aiga tupu.
O le tuumalo ai o le Tupu Tamaitai o Elisapeta II i le aso 9 o le masina lenei na toe laga mai ai ma le fesili pe le ua tatau ea ona faia se ao o le malo fou a Niu Sila.
Peitai i faaiuga a le 1News Kantar Public Poll ua maua ai o le 50% e le mananao e o ese Niu Sila ma pulega faamalumalu a le aiga tupu, ma o lea faaiuga ua siitia mai pasene na faamauina i le masina o Novema.
Mai taitai o le National Christopher Luxon faapea le tamaitai palemia Jacinda Ardern, o se mataupu e le o ave iai se faamuamua a o loma ai faigapalota tele i le tausaga fou.
Ae i le pati a Maori, o se mataupu o loo lagolago malosi e nisi le o ese ma faamalumaluga a le aiga tupu, peitai o loo popo’e e ono suia ai aia tatau na osia i lalo o feagaiga ma Peretania.
