Ua le taliaina e le Council a Gore le petition o loo valaau atu ai e faamavae le Pule Sili ia Stephen Parry.

O le lē fetalanoaa’i o le pulenuu talavou o Gore, Ben Bell ma le Pule Sili o lea lava ua avea ma mafuaaga o le leai o se filemu i totonu o le Council, ae le gata i lea o le faatalosaga o nisi o councillors e faamavae le pulenuu.

Peitai o se mataupu na le taunuu ona o le palota a le komiuniti e faatumau pea le pulenuu na o latou palota iai.

O le nofo ai o le pulenuu na tuufaatasia ai loa le petition lea e lata i le 5000 tagata na sainia, peitai o le faafitauli o le toatele o i latou e le nonofo i Gore.

I lipoti e na o le 9% o tagata Gore, 12% e mai Southland, 46% e mai isi uma vaega o Niu Sila ma le isi 29% e le o faailoaina.

Na faamatalaina e le sui pulenuu, e leai lava se eseesega o le petition lenei ma le Facebook post o loo tele ana likes.

Ua fai mai ai ma councillors a Gore faatasi ai ma lana pulenuu e teena le petition.