Ua faamatuu mai e le Broadcasting Standards Authority (BSA) taiala fou mo auaunaga a televise ma leitio i mataupu e faatatau i lagona o le tagata i lona ituaiga (i se tau faapupulaga i le gagana Samoa, ae i le faaperetania o le gender identity), ma o le tali atu lea i le faatupulaia o faaseā i lea mataupu.
Fai mai le BSA, pe a fua i faaiuga sa faia talu ai nei ua faailoa ai o lenei fautuaga o loo amanaia ai foi le aiātatau e saunoa ai, ma ia aunoa ma se faailogatagata.
Fai mai le RNZ o le tali atu a le society i le mataupu i gender identity ua faailoa ai ma finagalo ua ogatasi ma le oo ane o le tele o faaseā mai vaega e lua o faafinauga o loo faailoa ai finagalo o tagata.
Saunoa le sui ofisa sili o le BSA, Helen Cruse o le avea o le BSA ma totino faatonutonu o faasalalauga ma le latou matafaioi e atagia atu ai tulaga o komiuniti, e amanaia ai le fefaasoaa’i o finagalo faaalia, o le elemeni aupito tāua lea i le faailoaina saoloto o finagalo o tagata.
Peitai o lea foi saolotoga i le faaaliga o finagalo e le tatau ona tuufaasaolotoina ma o i tonu e taatia ai le matafaioi a le BSA i le faatapulaaina o finagalo faaalia aemaise le silasila i ni aafiaga e ono aafia ai komiuniti.
