A o mafatia ai avetaavale Taranaki i le tele o omoomo i luga o alatele, o loo pisi ai fale pa’u.

Ona o le mamafa o timuga i lea vaega o le atunuu, ta’ua mai ai le faaleagaina tele o le ta o le auala ma ua tele ina aafia ai rims ma pa’u o taavale.

I molimau i tala a le leitio a Niu Sila, o le loloto tele o nei omoomo ua matua’i faaleagaina ai ma taavale, ma o loo molimau ai se tasi e iai lana BMW e $2,500 lea na ia toe totogiina e faaleleia ai vaega o lana taavale ua faaleagaina.

Mai se tasi o fale pa’u i New Plymouth, o lea lava foi lea e tasi ua molimauina o le to’atele ua aga’i atu e toe faaleleia rims ma sui pa’u.

Ae mai le pulega a le Waka Kotahi, e silia ma le 200 telefoni na valaau atu i le mataupu lava lenei i le vaiaso talu ai, ma o lea ua tanu ai i tanu lē tumau e faatali se’i lelei le tau ona faia lea o le tā tumau.

Ua sau ai foi ma le faamanatu ia aveina le taavale e fua i le tulaga o iai le tau faapea ai ma luga o le auala.