Ua filifilia e le Iunivesite o Otago le latou ulua’i sui faaao deputy vice chancellor mo le Pasefika, o se avanoa faigaluega fou o le a lagolago ai i le ausia ma le sologa manuia o le ausu’esu’e mai le Pasefika, faia’oga ma tamaiti a’oga.
O lē ua filifilia o le polofesa lagolago Dr Dianne Sika Paotonu, o le a amata i lona tofiga fou i le tausaga fou.
O se tamaitai saienitisi ma na ia saunoa e faafetaia le faatuatuaga ua tuuina atu ia te ia i lea tofiga fou, ma o se avanoa e faalautele ai le auaunaga i le komiuniti ma tagata.
Fai mai a ia e tāua tele le faatāua o le faatuatuaga lea ua tuu atu e tagata ia te ia.
O lona tupu’aga e mai le malo o Tonga ma na soifua ane i Niu Sila.
O ia le tagata muamua o si ona aiga na ulufale i se iunivesite ma faamanuiaina ai i faailoga ua umia nei.
Ua faaipoipo atu i se alii Samoa ma Niue ma e to’atasi si o la alo.
Puna o Faamatalaga: https://www.rnz.co.nz/international/programmes/datelinepacific/audio/2018968356/otago-uni-appoints-leading-pacific-scientist-for-top-role
