E 24 miliona le tau o se faletele, o le mansion ua faatamaia i le afi i le itu i Matu o Sini ma na iai ma le lamatiaga i fale lalata ane.
O le faaiuga o le vaiaso na sasao ane ai le afi i le nofoaga lea e pei ona faamaonia mai e le ofisa o le tineimu.
Fai mai a latou o le malosi o le savili na atili vave ai le sasao a le afi ma lamatia atu ai ma fale o tuaoi ma faigata ai ona faasaoina se vaega o le fale.
E silia ma le 50 le aufaigaluega a le tineimu na galulue i le tapeina o le afi ae le o iloa pe sa iai se tagata i totonu o le fale i le taimi o le afi. E le o iai ni lipoti o nisi o faamanualia.
Fai mai e ono potu moe o le fale i Cliff Rd ma e le o iloa foi le mafuaaga o le afi.
