E 25 tausaga o le alii ua ave e leoleo ma o lea ua molia i moliaga o le fasioti tagata e mafua mai i le maliu o le tama lea na maua i totonu o le fale ua mu i Levin.
E latalata i le itula e 8 i le taeao ananafi na faanatinati atu ai leoleo i le fale i Queenwood Street, ae oo mai anapo sau le tala ua molia lea alii e le gata i le fasioti tagata ae o lona susunuina o le fale na maua ai le ua maliu.
O le asō e tulai ai i luma o le faamasinoga faaitumalo i Levin, ma o loo faaauau pea suesuega a leoleo i lenei mataupu.
