O se tagata sa faigaluega i le kamupani a le Interline Samoa Ltd lea ua molia nei i moliaga o le gaoi a o avea ma tagata faigaluega.
I lipoti a le TV1 Samoa na faamaonia ai e le Sui Komesina o Leoleo Papalii Monalisa Tia’i Keti e oo atu i le $50,000 tala le tupe atoa na masalomia na gaoi e lē ua molia.
O le Interline Samoa Ltd o se vaega (agent) mo le kamupani Telefoni a le Digicel Samoa e gafa lea ma nisi o auaunaga a le kamupani. E 37 tausaga o lē o loo molia ma e faapea lipoti e masalomia o le masina na te’a nei na tulai mai ai lea soligatulafono.
Ua mae’a su’esu’ega a leoleo i le mataupu ma o le Aso Gafua o le vaiaso fou o le a tula’i ai lea tagata i luma o le faamasinoga.
