O le feiloa’iga muamua a le Komesina o leoleo le tofa Auapa’au Logoitino Filipo, ma nisi o le autusitala talu ona avea ma faauluuluga o le matagaluega o leoleo, falepuipui ma le ola toe fuata’ina na ia faailoa ai le faia o su’esu’ega i ni faalavelave se lua na lipotia i leoleo mai le faai’uga o le vaiaso ua mavae atu nei.
O se tino maliu o se tamā na maua i autafa o se magaala i Vaigaga o loo tau saili ai le mafuaaga, pe na aafia ai se gaioiga solitulafono.
O le isi faalavelave o se tamaititi 13 tausaga le matua na aafia i se laau malosi i le faamatalaga a le Komesina o leoleo, o le faalaloina o se meaituaolo a se aiga i Afega i le taeao o le Aso Sa na te’a nei ae aafia ai ma le tamaitiiti o loo taofia mo togafitiga a foma’i ma tausi soifua.
