O le susuga i le alii leoleo mai Samoa le susuga Carmen Tausili ua manumalo i se tauvaga a le aoga musika o le fitafita a Niu Sila o loo a’oga ai i le taimi nei mo le umi e sefulu masina.
Ua faailoa e le Matagaluega o leoleo falepuipui ma le ola toe fuata’ina le faamanuiaina o lea Malu o le Malo i le tauvaga ua ta’ua o le New Zealand Army Band Solo competition.
O Carmen Tausili o le uluai leoleo lea mai Samoa ua manumalo i lea faailoga tau i tomai o fatuga o musika faafitafita.
O se polokalame a le Malo o Niu Sila e faapitoa i tomai faamusika mo i latou o galulue i tautua faamiliteli e pei foi o le auaunaga faaleoleo i Samoa ona e leai se tatou fitafita, ua avanoa ai ona maua e lea Malu o le Malo mai lo tatou atunuu le avanoa e aoaoina ai i le aoga musika faamiliteli a le Malo o Niu Sila.
Ua lua tausaga e lei toe maua lea avanoa e aooga ai faamusika malu o le malo mai Samoa i atunuu i fafo ona o vavao o puipuiga o atunuu ona o le faama’i o le Koviti-19.
