Ua lipotia i le aso e le Newstalk ZB se tala faanoanoa i le maliu o se tasi o tagata sa iloga i lakapi faavaomalo ma o se alii faasalalau foi mo taaloga, le susuga Willie Lose.
Fai mai le lipoti o Aferika i Saute lea e maliu mai ai le alii faasalalau lea sa fuafua e na te faasalalauina mai taaloga o le Ipu o le lalolagi i le lakapi taitoafitu.
Sa taalo Lose mo aulakapi i lalo o le 21 tausaga a Niu Sila ma avea foi ma kapeteni o le aulakapi a Tonga i le Ipu o le lalolagi i le 1995.
O se pepa o faamatalaga mai lona aiga ua taua ai o ia o se tagata mitamita ia Aukilani i Sisifo ma faafetaia ai nisi sui na o latou galulue faatasi i Aferika mo le fesootai mai ia i latou e tusa o le maliu faafuasei o Lose.
Sa aoga i le Kelston Boys ma sa avea foi ma taitaiulu, sa taaalo faatasi ai ma Vaaiga Tuigamala i le First IV a lea aoga. E le o taua le mafuaaga o lona maliu ae ua 55 tausaga o lona soifua.
