Ua leai mai le Waka Kotahi NZTA e tatala le lane o le auala laupapa, Harbour Bridge e faata’ita’i ai le auala savali faapea le auala uila.
O le i’uga lea o le fonotaga a le laulau a fono na iai i le vaiaso talu ai a o faamata’u mai ai le su a se tasi o vaega o loo tu malosi i lenei poloketi e tatau ona faia i luga o le auala laupapa.
O se faaiuga e faapea ua mausali i le maea ai o iloiloga ma iloa ai e le saogalemu le faatumau o le vavae ese o lea lane e faata’ita’i ai le auala savali faapea uila vilivae.
A o leai mai ai la le pulega, e iai aso ma polokalame ua vaavaai iai e faia i totonu o le summer, ma e saogalemu atu lea na i lo le fuafuaga na faatalosagaina ai le faia faapitoa o se lane tumau.
O se faai’uga o loo matuai lagolagoina e nisi na faaalia i tala a le Newshub ona o le a faatuai ma aafia ai femalagaiga a taavale faapea uta feaveai i le va o Aukilani ma North Shore.
Leai se tala tele a le minisita, Michael Wood pau o lea o se faai’uga o loo patino lava lea i le pulega.
Afai ae aveese le lane e tasi o le auala laupapa, e 17,000 taavale feoai i le aso aafia poo le fuainumera lea o le a faaitiitia ai taavale kolosia le auala laupapa.
