O le a le valaaulia le peresetene o Rusia Vladimir Putin i toe sauniga o le Tupu Tamaitai o Peretania ona o lona osofaia o Ukraine e pei ona faamaonia e se tasi o sui sinia o le palemene a lea atunuu. 

Taua e le 9News e tolu atunuu e le o tuuina iai ni valaaulia, o Rusia, Belarus ma Myanmar.

Lipotia foi i le asō i le faagasologa o le polokalame o le tuumalo o le Tupu Tamaitai le matapogia ai o se tasi o fitafita, poo le guard a o faia leoleoga ma le faailoa o le faaaloalo o tagatanuu i lo latou taitai sa iai. 

E tulaga ese foi lagona na molimau e le faitau miliona na maimoaina i luga o upega tafailagi aemaise foi i Peretania le taimi na aveina ane ai le sa o le Tupu Tamaitai mai Buckingham Palace i Westminister Abbey i le po anapo.