E 295 afe le seleni atoa na maua e le ekalesia faapotopotoga kerisiano Samoa i Laulii I lana Tusigaigoa sailitupe ile aso Toonai na tea nei, ae ilea aofaiga e 217 afe le tinoitupe na mafai ona faamaopoopo ile aso o le faamoemoe, ae o loo ao pea le aao mafola o le atunuu aemaise o tama fanau, o uo ma au mea mamae a le ekalesia.

Ua faailoa mai e se sui o le komiti e maofa ile tali atu a paaga ma tauaiga a le aulotu ile faamoemoe e fausia se maota fou o se multipurpose hall a le ekalesia aua ana galuega ma isi fuafuaga. Ua momoli ai le faafe=tai a le faafeagaiga ma le faletua faapea le taitaifono ma le komiti a le ekalesia EFKS a Laulii iai latou uma na lagolagoina le latou Tusigaigoa.

O le hall o loo iai nei ua silia lona matua ma le valu sefulu tausaga, ma ua le toe saogalemu le mafuaaga o le faamoemoe e fausia se isi maota tele fou. O le masina fou o Oketopa ua silasila le ekalesia e amata faatino ai le galuega.