O le tagata sa faigaluega o se fomai i Aukilani i Saute e ui e leai se faailoga aloaia patino i lea auaunaga, ua ia ioeina nei lona faaaoga o se faiga faasolitulafono e faatino ai lea tulaga.
I le faamasinoga faaitumalo i Manukau i le asō ua toe taofia ai nei le alii o Yuvaraj Krishnan 30 tausaga seia aulia le masina o Tesema.
Sa faafaigaluega i le falemai i Middlemore seia oo ina fesiligia ona agavaa faafomai ma iloa ai lea tulaga ma faamalolo ai loa i le aso 10 o Aokuso.
E ono masina na faigaluega ai i le Respiratory Clinic ma fai mai le RNZ e malamalama pe a ma le 70 i le 80 gasegase na vaaia e lenei alii a o iai i le galuega.
I lea lava lipoti ua taua ai foi e le University of Auckland o le alii lea sa afea foi o latou lotoa ma taua foi o ia o se tama aoga, medical student mo le lua tausaga, o le University of Sydney ua o latou faamaonia e pei ona faailoa i le lipoti o le alii lea na faauu mai i le Iunivesite i le 2016 ma se faailoga o le Bachelor of Science.
O faamaumauga na faasese e lea alii o lona lafoina lea o se tusipasi mai se tasi o imeli peiseai o loo sau mai le Medical Council lea e faamaoniaina tusi pasi poo faailoga o fomai.
O lea ua tasi le masina talu ona faamalolo le alii fomai mai Middlemore, ma o le masina o Tesema lea ua tuu atu iai le lauina o lona iuga.
