Na folafola e le faigamalo i le aso ananafi nisi o fuafuaga e fesoasoani ai e faamalosia le vaega o feagai ma auaunaga e pei o penisini ma tulaga faapea e ala i le faaleleia o le sapalai ma le faamautuina o loo iai le sapalai atoa ai ma le uunaia o tulaga tau faatauvaga, competition.
Fai mai le One News ua saunoa le minisita o le Energy and Resources o Dr Megan Woods o le faaleleia o tulaga ia o le a fesoasoani e faalaulelei le ala mo se faiga e mautu, sapalai o le fuel e itiiti ai kasa oona e faaulufale atu i le siosiomaga, sili atu ona lelei avanoa matala mai mo paaga ma sili ai foi ona iai le tauvaga lea i le maketi o le fuel ma le malosiaga o le Commerce Commission e faatonutonu ai le tau pe a manaomia.
Fai mai le minisita o loo latou iloa le tele o le mau aiga o loo feagai ma faigata ona o le siitia o le tau o le soifuaga , o le ala lea ua taofiofi ai e le malo nisi tau faaopoopo.
O lenei fesoasoani e auala mai i ni gaioiga eseese ua o latou faatulaga e faamāmā ai le faigata i aiga, o le a toe faaopoopo ai le umi o Tax cuts i le tau o penisini ma isi, faaitiitia le tau e totogi mo auala ma le ‘afa o le totogi o le faaaogaina o auala o femalagaa’iga lautele seia aulia Ianuari 2023.
Fai mai ua silasila foi le malo i le teuina o se vaega a itiiti mai pe 70 miliona o lita o le kiso e mafai ona oo atu i le fitu aso o faaaoga pea.
