E $6 miliona ua maua e leoleo e fesoasoani ai ia latou galuega o loo faia mo pisinisi laiti o loo gaoia e faaaogā ai taavale e faaleagaina ai.
E silia ma le afe osofa’iga faapenei e ta’ua o ram raids ae 768 tagata molia talu mai le 2017.
Mo le $6 miliona ua faamatuu mai ua vaavaai ai leoleo o le a faaopoopo lana aufaigaluega ma o le atoaga o le faasoaina o lea tupe tele o le a faailoa mai i le lua vaiaso o Ie a sau.
I totonu o lea piriota o le a faafaigaluega ai le tusa ma le 12 o le aufaigaluega e faafesaga’i ma pisinisi laiti ma faatalanoa le faapolokalameina o lenei fesoasoani.
E 45 i le 50 pisinisi o le a asiasia i totonu o le vaiaso ma o Aukilani ma Waikato lea o le a faamuamua ona o le maualuga o le fuainumera o gaoi e faaaogāina taavale e faaleaga ai faleoloa.
