O le alii taalo o le ‘au a le Blues ia Stephen Perofeta o le a ono iai le avanoa e taalo ai mo lana taaloga muamua (debut) i le ‘au a le Olo Peleki ina ua filifilia mo le aufaaleoleo a le Olo Peleki mo le taaloga i le faai’uga o le vaiaso.
O le lē mafai e Beauden Barret ona taalo i lea taaloga ona o nisi o manu’aga lea ua maua ai le avanoa mo lea alo o Samoa.
O le filifilia ai o Stephen Perofeta i le aufaaleoleo (Reserves) a le Olo Peleki mo lana taaloga o loo loma nei ma Argentina, na faailoa ai e le faia’oga ulu ia Ian Foster ua ia matauina le mata’ina o le finau a Perofeta i taimi o toleniga ma ua sauni foi mo lana taaloga muamua i lenei vaiaso.
Faailoa mai e lipoti o le lē taalo ai o Barret ona o se manu’aga i lona ua ma mafua ai ona lē avanoa mo le filifiliga i le taaloga ma Argentina.
O lea taaloga o le a faia i le aso a taeao Aso Toonai 27 o Aokuso i totonu o Kalaiesetete lea o le a feiloai ai le Olo Peleki ma le Pumas a Argentina.
