Ina pepese Aleluia ua fanau le tupu! Ua lata mai le aso e faamanatu ai le fanau mai o Iesu, lo tatou Alii Faaola. Le pepe o le Kerisimasi. Amata nei loa le taumafaiga, e faagata i le aso 20 o Tesema. O le a faia le se’i i le aso lava lena i le 10 i le taeao. (faitau manino aiaiga)

Faatoese le faauluuluga o le ACC ona o le solia o aiaiga o galuega e lana aufaigaluega

Ua faatoese le ofisa sili o le ACC, Megan Main ona o le solia e lana aufaigaluega o aiaiga o tulaga faalilolilo na aliae ina ua faia se iloiloga tuto’atasi na iloa ai le le lelei o le leoina e le ACC o tulaga faalilolilo, privacy aemaise ua leva ana polisi ma le lelei ona faailoa faamatalaga I lana aufaigaluega.

O le lipoti a le newstalk ua ta’ua ai o le iloiloga lea na faia e le loia o Linda Clark ina ua maea ona faailoa e le RNZ nisi o le aufaigaluega i le call centre a le Acc ua o latou faasoa ma talie I faamatalaga a clients i luga o se kulupu i le snapchat aemaise ai se tasi mataupu ua matauina ai e se tasi o client ua silia ma le faa 350 ona vaai tagata I lana mataupu maaaleale ma fai mai e to’a 92 tagata faigaluega na vaai iai.

Fai mai la le ofisa sili i le asō e lē o māmā ia te ia lenei mataupu ma e matuai lē taliaina lava le solia o aiaiga o tulaga faalilolilo o soo se mataupu.