O loo tālia nei se faaiuga mai le malo pe faamata e ono faia ni sā i tuaoi i le ulufale mai o pasese mai Saina.
O le po anapo na faaoo atu ai le fautuaga a sui o le soifua maloloina i minisita o le Kapeneta pe ono mulimuli Niu Sila ia Ausetalia lea e amata tapa siaki o le Koviti i le Aso Tofi nei mo pasese uma nei e faimalaga mai Saina.
A o tālia ai se tala mai le malo, o le vaiaso nei foi o loo fono ai le Iuni a Europa e toe iloilo le ono toe faia o sā.
I Niu Sila lava ia e ono toe aumai aiaiga nei o le tapa o le siaki e negative o le pasese mai Saina, ma o le taeao foi ananafi na saunoa ai le alii suesue o loo tele lava foi ina faaali finagalo i faaiuga a le malo, ua tatau ona toe tapa siaki o le Koviti mo pasese mai soo se atunuu o loo malosi ai le Koviti ae e le o lava ni faamaumauga e iloa ai le toatele o tagata aafia.
