Ua faasa e le iunivesite o Victoria i Ueligitone faigauo i le va o faiaoga ma fanau aoga.
O le iunivesite a Victoria le uluai iunivesite i totonu o Aotearoa ua faia lea faaiuga, ma o se faaiuga o loo mitamita ai.
O se tasi o faigauo lata mai na maua ma suesueina o le va lea o se tasi o faiaoga ma le tamaitai aoga i le tausaga talu ai, ma e faapea e lei faailoaina e le faiaoga.
O se faigauo na aliae ina ua faailoa e le tamaitai aoga ona manuaga ina ua faaoolima iai le faiaoga, peitai e lei lava ni molimau maumaututu o lea mataupu.
O a uma foi faigauo o loo iai i le taimi nei i le va o faiaoga ma fanau e tatau ona faailoa ae e lei aloaia lea sa i le masina o i luma.
