Lipotia i le RNZ Pacific i le asō o loo silasila le malo o Samoa ia toe faafaigaluega le vaalele a le atunuu i totonu o le lua i le tolu tausaga o lumanai.
Ua ta’ua i lea lipoti o tala mai le aufaasalalau i Samoa ua faailoa ai na faailoa lea tulaga e le minisita, Public Enterprises, Leatinuu Wayne Sooialo ina ua faalauiloa le peimeni mulimuli e $1.6 miliona Amerika e faamautu ai se lisi o le vaalele boeing 737-800 ma se kamupani mai fafo o lona tau aofai o le lisi e $4.6 miliona tala Amerika.
E lē o toe faia ni faigamalaga a le Samoa Airways e pei ona masani ai aga’i i Brisbane, Sini ma Aukilani ae ua faailoa e Leatinuu pei ona ta’ua i lea lipoti, e fā vaalele ia o loo tautuaina Ausetalia, Niu Sila ma Fiti ma o loo vaavaai le malo i ni fetuuna’iga ma nisi o ia auaunaga.
O le taimi nei ua faailoa i le lipoti o loo taulai le auaunaga a le valele a le atunuu i malaga i le va o Apia ma Pago Pago a o galulue ai foi le malo e toe tatala le malaevaalele i Fagalii.
