Ua faamalolo nei e le kalapu a le Sea Eagles mai Manly le latou faiaoga o Des Hasler i le mae’a o le taamilosaga o le tausaga nei 2022.
Fai mai le 9News ua faalauiloa mai e le kalapu lea faamatalaga i le mae’a o le latou fonotaga a le fono faatonu sa faia i le asō. O le 2019 na amata faiaoga ai Hasler i le kalapu ae sa faiaoga muamua foi mo Manly lava i le 2004-2011 ma agai ai loa e faiaoga i le Bulldogs.
O loo feta’ua’ina la o lē sa avea ma faiaoga ulu o le Rabitohs ma sa taalo foi mo le Broncos o Anthony Seibold o le a avea ma faiaoga e sui tulaga ia Hasler ae e lei faamaonia lea faamatalaga i le taimi nei.
