O le feiloa’iga lava a le Komesina o leoleo ma tusitala na faailoa ai e $60 afe le faailoga tupe o le tuuga fautasi sa fuafuaina mo lea faagatama i le tai i le polokalame o faafiafiaga o le atoaga o le 60 tausaga o le Tuto’atasi i le masina o Setema, peitai e ui i le faailogatupe mo le fautasi e mua ae e na o le tolu Sa ua faaulu atu ina ua tapunia le avanoa e lesitala ai ni fautasi mo lea faamoemoe.
Talu ai lea tulaga ua faailoa e le Komesina o le a toe taatia atu i le komiti tele o polokalame o le onosefulu tausaga o le Tuto’atasi o loo ta’ita’ifono ai le tamaitai Palemia, pe o le ā se isi fuafuaga pe faataatia loa le tuuga fautasi pe toe tatala se isi avanoa mo nisi Sa e faaulu atu.
Mo le isi vaega o fa’agatama i le tai e na o le 2 Tulula, 2 paopao ae tasi le vaaalo ua faaulu ina ua tapunia le lesitala i le Aso Faraile na te’a nei. E lē o mafai ona faailoa e le Komesina o Leoleo fautasi e tolu ua faaulu atu.
