O lea ua faailoa mai i se lipoti a le alaata 7 a Ausetalia i le asō suafa o i laua e toalua ua pueina e leoleo ma molia i le fasiotia o Levi Johnson i Brisbane i le amataga o le vaiaso.
Fai mai o loo tau sailia pea le isi toalua e atoa iai le toafa o i latou o loo suesueina e leoleo i lenei faalavelave na aveina atu foi i talafou.
O Stuart Galloway 34 tausaga ma Luke Thomas Moore 34 foi tausaga ua molia i le fasioti tagata ae o lenei faalavelave o loo fetauaina sa faaoolima ai le toafa lea i si alii ua maliu i se magaala i le faaitu lea o Brisbane.
O loo taofia uma nei i le vaaiga a leoleo ae lei talosaga foi e tatala i laua i tua.
