O se tasi o tamalii Samoa, Uluomatootua Saulaulu Aiono ua faaaofia nei i le NZ Business Hall of Fame ma o se faatalanoaga na faia ma le Radio NZ Pacific sa ia faamatala ai lona soifua a’oa’oina i le Iunivesite i Otago ma le amataga mai o le taumafaiga i pisinisi i totonu o Niu Sila.
O se tasi lenei o tamalii faipisinisi Samoa i Aukilani ma e to’atele foi e silafia i ana pisinisi e aofia ai auaunaga i le soifua mālōlōina pei ona avea ai nei ma ta’ita’ifono o le Alliance Health Plus ma isi faalapotopotoga e ofoina auaunaga tau le soifua mālōlōina.
O le 1986 pei ona ta’ua i le lipoti na avea ai o ia ma uluai tagata o le Pasefika e mauaina le faailoga postgraduate in BA Degree i le Iunivesite o Otago.
Ma fai mai a ia o le miti o se vaega tāua lea o le amataga o se faamoemoe, ma e lē tāua le ituaiga mea e faatino ae o le tāua o le faia o se galuega ma faatino se mea.
