I le fonotaga a le palemene i le Aso Tofi, na fofogaina ai luma o le maota faitulafono a Samoa le ripoti o le sailiiliga a le komiti o taui o faalavelave faafuasei.

O se fautuaga i nisi o vaega e ao i le faalapotopotoga ona faatinoina, e pei o le

– tatau ona 10% o se vaega o saofaga e tatau ona maua 

– faaitiitia nisi fuafuaga ma polokalame faalauiloa ae faatino auaunaga ia tuuina atu i le vaitau o faama’i

I le saunoaga a le taitaifono Laumatatiamanu Matthew Ringo Purcell, o le latou sailiiliga, e na o faalavelave tau taavale e saofagā uma iai tagata mo taui, ae o isi faalavelave faafuasei e pei o le pa’ū o se laau, e na o i latou o loo totogi ACC e agavaa mo taui.

Na faailoa foi i lea ripoti, o i latou ua maliliu ae o loo totogi a latou saofaga e agavaa mo taui seleni e $4000.00, ae o nisi faalavelave e pei o le maliu o le tamā ae o loo faigaluega ae tuua le tina e le o faigaluega ma le fanau, e agavaa mo le seleni e $20.000, ae afai e maliu le tamā ae o loo faigaluega le tina, e agavaa lena aiga i le seleni e $16.000″.

I le taimi nei o loo molimauina le toatele o le atunuu ua fai i lagi le folauga ae o loo totogi pea a latou saofaga, e le o agavaa foi i se faamanuiaga.